CANTA-GRELH - Revue trimestrielle, éditée par le Grelh Roergàs, 15, avenue Tarayre, 12000 RODEZ - Directeur de la revue : Maurici BÒNI - Prix de l'abonnement : 100 F - C.C.P. : GRELH ROERGÀS 3 397 62 Y Toulouse - Pour l'abonnement, s'adres-ser à : Albert BIBAL, 1, rue George-Sand, Bel-Air III, 12000 RODEZ - Prix du n o: 30 F --------------------- N° 34 DECEMBRE 1997 --------------------- T'ai cantat, ai cantat tos ivèrns aboriús Mon país e tos prats acaptats de vacivas* E tas combas, e tas montanhas agradivas, E tos tèrmes fuelhats, atintats* sus dels rius. Dels rius candes e clars, e frescòts e tan viús ! Ai cantat tos drelhièrs* nauts e prims ont las grivas Váun picorar, jos la nèu, las adrelhas* tardivas ; Ai cantat lo cièu blu de tos gentes estiús. Aquò fach, me soi dich : De qué váu cantar g-ara ? Mès, vals autres país, quand ai virat la cara*, Mos pès aviáun pres raiç dins lo sòu* auvernhat. Ai sentit que, sus ieu, pesava una cadena, Ò mon país ! e que dins ta rufa codena, Demorarai totjorn plantat com'un vernhat ! Arsèni VERMENOSA Jos la clujado * vaciva : jeune brebis ; * atintat : incliné, mot auvergnat ; * drelhièr : alisier des oiseaux ; *adrelha: baie, airelle ; * cara : visage, face ; * sòu / sòl : terre. LA CADENA DEL CÒR MESSATGE, VENGUT D'AUVÈRNHA Pensada unica, lenga unica, vestidura unica, abeurada unica, mangilha unica, telé unica, cançon unica et tot lo demai americanoïd. Fa pas meissant lo veire, l'unificacion del monde es en bon caminament. I anam tot drech. I a pas que la natura, encara garcièra, que s'atarda, mas pas per un bèl brieu probable, a nos pòndre sovent diferents, de nas, de pèl, de tufa, e mai de caractari quand ne vira... Segur que d'unes lo regrètan, e coma cal ! Del punt de vista economic i auriá benlèn a i ganhar bravament. Se totes èrem de talha pariona, sauriam cossí cal far nautas las pòrtas, lòngs los lièches e cossí cal talhar los vestits en corde-ladas ! E s'aviam totes la mèima largor del cuol sauriam au mens cossí cal preveire los sètis dins nòstres transpòrts, publics o non. Non pas que, ambe tan-tas diféréncias ! M'enfin ! Cal pas tròp se desanar, se desesperar ! Ambe la "clonicultu -ra" 1 que s'anóncia, un esper novèl se lèva sus l'Umanitat.