Ciel d'Oc Trésor de la langue d'Oc. Bibliothèque virtuelle de la Tour Magne
Centre International de l'Écrit en Langue d'Oc
Université de Provence
Provence Live
• Sommaire • Contents • Ensenhador • Ensignadou
darriero meso à jour lou 8 juliet 2023
 


"Lou sant signau es fa..." Frédéric Mistral

Lo Projèct "Leys d'Amors"

   Lo CIEL d'Òc prepausa a totei leis afogats per la lenga de participar an un projèct (planetari) per sauvagardar e espandir totei lei tèxtes redigits en lenga d'Òc, aquò dins una granda biblioteca virtuala consultabla d'en pertot dins lo monde.

   Duberta sus un site Internet, aquela biblioteca porgís, a gratis, la lectura de totei leis escrichs tombats dins lo domeni public, e mai aquelei que sa difusion es autorizada per sei proprietaris. Conserva tanben per lei generacions futura lei tèxtes contemporanèus que sa publicacion comerciala sus supòrt papier es pas acabada ò que seis autors n'en vòlon pas la difusion.
   Aqueu projèct batejat "Leys d'Amors" deu recampar totei lei que son en possession d'escrichs en lenga d'Òc, e d'en promier, lei possessors de tèxtes adejà sesits d'un biais informatic.

  • leis editors que fan la mesa en paja de sei publicacions ambé l'ajuda de logiciau PAO coma QuarkXPress o PageMaker, son tot indicats per participar an aquel arquivatge de seis obratges sota un novèu abilhatge multimedià. En còntrapartida, lei tèxtes servats per la biblioteca que i fan besonh per de reedicions li son oferts, e mai la publicitat de seis publicacions es assegurada graciosament sus la telaranha d'Internet.
  • leis autors d'obratges en lenga nòstra que recorron an-un logiciau de tractament de tèxte per copiar sei manuscrichs dins un ordinator veson ara seis escrichs transformats en libres electronics dins aquela biblioteca virtuala. Leis escrivans coneiguts balhan ansin una novèla vida a seis òbras, mai encara lei redactors de tota mena de tèxtes (còntes, racòntes, poësia, novèlas, conferéncias, estudis, etc...) qu'an pas trobat d'editors tradicionaus, an uei d'aqueu biais, la possibilitat de faire conóisser seis òbras.
  • lei manteneires de la lenga, tanben, que vòlon participar au trabalh de sesida dei vièlhs manuscrichs ò dei libres rares pòdon s'associar an aquela produccion de libres electronics. Son nom, ambé sa qualitat de realizator dau document acompanhan alora lo tèxte.
  • leis internautes enfin e passionats d'informatica de tota mena que se plason a la presentacion de grasilha multimedià ò a la concepcion de liames ipertèxtes pòdon venir senhar l'enlusiment de la biblioteca.

   Basta, es toteis ensems que devèm menar a ben aqueu projèct au titre simbolic "Leys d'Amors", lo nom d'un dei promiers obratges que presentava, a la debuta dau siècle XIV°, la soma la mai completa dei conoissenças tocant la gramatica, la retorica e la poëtica de la lenga d'Òc. Lei "Leys d'Amors" fasián adejà pressentir una mena d'Umanisme tot de bòn sens e de logica.
   Apielat sus son passat, aqueu projèct bandís la lenga d'Òc vers un novèl avenir...

Bernard Giély

Ce site est un projet collectif entre l'Université de Provence et le Ciel d'Oc
Aqueste site es un proujèt couleitiéu de coulabouracioun entre l'Universita de Prouvènço e lou Ciel d'Oc.

• Sommaire • Contents • Ensenhador • Ensignadou
© C.I.E.L. d'Oc - Siège social : 3, place Joffre, 13130 Berre-l'Etang - estellan@cieldoc.com